Katur

Dhumateng Panjenenganipun Bapak Soeharto

Wonten ing Jakarta

IKUT PRIHATIN [1]

Kawula nuwun,

Bapak Soeharto ingkang winantu suko rahayu, amit-amit pasang kalimantabik ila-ila dina sinabetna ing ila duni tinebihna ing tulak sarik dumawuhing tawang towang mugi linepatna ing siku dendaning Gusti Allah Ingkang Maha Kuasa. Nyuwun pangapunten kula kumawantun kintun serat dhumateng panjenengan.

Bapak Soeharto ingkang winantu ing suka basuki. Kawula nderek prihatos awit pacoben ingkang nembe panjenengan tampi. Mugi-mugi Bapak Soeharto tabah ing penggalih ugi mugi Gusti Allah Ingkang Maha Welas Ian Asih tansah paring payung kayuwanan dhumateng Bapak Soeharto, satemah mendung ingkang gumulung enggal sirna, lan sinaring bagaskara paring padhang dhumateng jagat, pertiwi punika.

Kula yakin panjenengan mboten badhe tinggal glanggang colong playu, nanging badhe ngadhepi sedoyo punika kanthi perwira. Kula tansah nyengkuyung pandonga mugi panjenenganipun Bapak Soeharto sumrambah para putra wayah tabah ing penggalih, tansah eling lan waspada, jalaran sura dira jaya ningrat bakal lebur dening pangastuti.

Bapak Seoharto ingkang winantu ing kawilujengan, makaten penguneg-uneg kawula kunjuk dhumateng panjenengan menawi wonten atur kula ingkang mboten mranani penggalihipun Bapak kula nyuwun pangapunten. (DTS)

Saking kula,

Drs. Purnadi

Surakarta

[1]     Dikutip langsung dari dalam sebuah buku berjudul “Empati di Tengah Badai: Kumpulan Surat Kepada Pak Harto 21 Mei – 31 Desember 1998”, (Jakarta: Kharisma, 1999), hal 792. Surat ini merupakan salah satu dari 1074 surat  yang dikirim masyarakat Indonesia dari berbagai pelosok, bahkan luar negeri, antara tanggal 21 Mei – 31 Desember 1998, yang menyatakan simpati setelah mendengar Pak Harto menyatakan berhenti dari kursi Kepresidenan. Surat-surat tersebut dikumpulkan dan dibukukan oleh Letkol Anton Tabah.